【面對未知的勇氣 ── iBakery x 說書人StoryTaler】

對於未知，我們或會恐懼，或會退縮。

工場同事細B適逢家庭巨變，需要搬走適應獨居生活；安於舒適圈的寶茵學習操作封口機；職場新鮮人拒絕加入是非圈子；

只要深呼吸一口氣，給自己無限的勇氣，做一個符合自己信念的選擇、學習自己不擅長的領域，世界其實可以比你想像中更遼闊更美好。

有睿智的勇氣面對未知（文：說書人成員 TY ）

有日，公司嚟咗位好文靜嘅新同事。

以公司既有嘅文化，响公司做得耐嘅同事喜歡將我需要覆診精神科嘅情況向新同事散揚開去，成為茶餘飯後嘅gossip話題；而以往入職嘅同事大多都會因為不同原因聆聽佢哋嘅話題內容，直接或間接令呢個不恰當嘅gossip群組得以延續落去。

最近，呢位新同事被邀請加入佢哋嘅gossip群組……

「喂，過嚟，你知唔知呢呀邊個係有精神病呀……」其中一位年資深嘅同事講。

「我唔知，亦都唔想聽。」嗰一刻，新同事慢慢、輕輕、不卑不亢咁Say No，然後靜靜咁離開。

當我得知呢件事，我好欣賞呢位新同事有敢於唔埋堆嘅勇氣；對於好似我呢啲做咗一段時間嘅同事，可能都會預計到同呢班同事Say No嘅後果，但新同事响新嘅工作環境則存在好多人與事嘅未知之數。

面對未知嘅後果，佢無大吵大鬧擴大事件，回應嗰陣亦都無加批判話別人不是，有勇氣以淡淡然同堅定嘅態度為不恰當嘅事表達自己立場、同不合理嘅事劃出一個界線；睿智咁樣作出一個互相尊重、之後大家仍然可以互相合作相處嘅回應。

佢嘅聲音聽落好細，但力量好大。

面對變化萬千嘅大世界，當中都有大大小小不合理嘅事逼使我哋去認同，令我時時覺得好無能為力同不安，之後就去妥協。呢個故事就係會响我覺得好無助無力嘅時候温柔咁提醒我：面對未知嘅後果，即使身處弱勢仍可以勇敢地以不卑不亢嘅態度，去堅守自己所相信嘅價值，同時亦能夠對抱持不同意見嘅人互相尊重。

共勉之。

憑著勇氣跨越困難

細B一向是師傅信賴的同事，工作表現穩定，勤力有責任感。在同事眼中，他是簡單又快樂的人。

然而，人生會遇上的事情，很多都是不能想像的。細B家庭遭逢巨變，他需要在極短時間內自己一個人搬出來找地方住。在社工和主管四出奔走下，終於找到一個臨時安身之所，而細B亦要同步開始學習自己照顧自己。雖然每月工作有固定收入，但他其實沒有金錢和數字概念，以前用錢是打機買玩具，但現在學會了量入為出買$25大大盒兩餸飯。住的宿舍是大房，他笑說原來晚上聽著陌生人的鼻鼾聲也能入睡。宿舍常有損贈食物，主要是即食麵和罐頭，他懂得自己買水果蔬菜，保持均衡飲食。

搬出來之後一個月，細B跟主管坦然分享，他最初覺得自己應付不來，曾想過輕生，大家都嚇呆了。雖然他身邊一直有人支持幫忙，但能夠跨過人生低谷，主要是靠他自己的力量和勇氣。這種面對未知的勇氣，令不同能力的人也會本能地學習、長出智慧和希望，一步一步繼續向前走下去。

踏出舒適圈的勇氣

每當問起寶茵，還有甚麼東西想學時，幾年下來的公式答案都是：「我做得好手頭上的工作已經好好，唔駛成日試新野。」

工場人手因疫症發展時有不足情況，主管們開始苦惱著如何調配人手應付生產及包裝工作。一向安於舒適圈的寶茵，此時表示想幫多啲手，希望學懂較難操作的包裝封口機。她帶點戰兢地看著導師示範然後試著操作，每封一包曲奇，問一次導師：「係咪即係咁？」。第一包未得，再試，第二包好啲，第三包又差少少，第四包又好啲。。。試下試下，又OK。

面前碰到的或許是前所未聞的難，有諗法如何解決，也因沒有先例可循而遲疑著究竟得唔得。惟有鼓著勇氣去試，試完差一啲，修正再嘗試，見一步試下踏前一步。

📚閱讀其他故事📚
https://bit.ly/3ccqCNv

👉親臨分店選購

🍞 iBakery 堅尼地城店 📍bit.ly/2XVQT9i
🍞 iBakery 上環店 📍bit.ly/3bshaQw
🍞 iBakery 無限極廣場店 📍bit.ly/3Ar9cD2
🍽️ iBakery Gallery Cafe 📍bit.ly/3iQh1tY
🍽️ U Deli 賞味軒 (教育大學) 📍bit.ly/31io9HD
🍽️ U Deli 賞味軒 (香港大學) 📍bit.ly/2PA4Hkx